Kaftanka Siyaasada , Mucaaridnimo Ma Sahlana W.Q Axmed Nuur Gurjuuje

0
Monday September 19, 2016 - 22:50:56 in Maqaallo by Halgan News
  • Visits: 401
  • (Rating 0.0/5 Stars) Total Votes: 0
  • 0 0
  • Share via Social Media

    Kaftanka Siyaasada , Mucaaridnimo Ma Sahlana W.Q Axmed Nuur Gurjuuje

    Haddii Dawladnimadu noqon lahayd baabuur qurux badan , oo dareewal uu ka yahay qofkii dadkii laha u dhiibteen , mucaaridnimaduna waa Taraafiga wadada iyo nidaamka ku ilaaliya wadaha baabuurka

    Share on Twitter Share on facebook Share on Digg Share on Stumbleupon Share on Delicious Share on Google Plus

Haddii Dawladnimadu noqon lahayd baabuur qurux badan , oo dareewal uu ka yahay qofkii dadkii laha u dhiibteen , mucaaridnimaduna waa Taraafiga wadada iyo nidaamka ku ilaaliya wadaha baabuurka

 , si aanu shil iyo khaladaad u gelin .

Askariga Taraafikadu Dareewalada wuxuu ku tumaa siidhiga , wuu joojiyaa waanu ganaaxi , laakiin Mucaaridku wuxuu ku tumaa Xukuumada qaylada iyo sawaxanka .

Taraafikadu Dareewalku hadii qaladaadkiisu bataan , waxay kala noqdaan liisanka wadista , si ay dadka ugu qanciyaan in aan si fican loogu shaqayn , loona baahan yahay in Xukuumada la badalo , oo ay kalsoonida ugala noqdaan .

Taraafikadu habeen iyo maalin wadada kama hoydaan , dhaxanta iyo qabowgana kama dhaqaaqaan , waxaanay heegan u yihiin , ilaalinta wadada iyo wadayaasha , mucaaridkuna wuxu sidoo kale mar walba u taagan yahay , raadinta dhaliisha xukuumada , soo bandhigista dhaliisha iyo qancinta dadwaynaha .

Shaqada adag ee Taraafikadu waxay keentay in Caalamku ka gudbo , taagnaanta hareeraha jidadka , waxaanay wadayaasha bareen , ku dhaqanka sharciga iyo ilaalinta nidaamka wada marista , taasoo midhaheedi noqdeen , in wadayaasha baabuurta ee sabankani , aduunka la shaqeeyaan kamaradaha ku xidhan wadooyinka iyadoo aan askari joogina u hogaansanaadaan waajibaadka waddo marista .

Sidoo kale shaqada hagar la'aanta ah ee Mucaaridku waxay keenay in Dawladaha Caalamku ku dhaqmaan sharciga , maamulka wanaajiyaan , hawl-gadashadooduna noqoto mid hufan oo aan daah-saarayn , waxaanay xaqiijiyeen inay isla xisaabtamaan intaan mucaaridba la xisaabtamin dadkuna dhaliishoda arkin .

Aduunyada casriga ah ee maanta , dareewalku wuxuu shaqadiisa u ilaashida sida caafimaadkiisa , maxaa yeelay sharciga kama dhuuman karo , dawladuhuna waxay sharciga u ilaaliyaan sida indhahdooda maxaa yeelay mucaarid aan ka jeesanayn ayaa ku dabo taagan . wadaha dambaaba isagaa is ganaaxa , masuulka fashilmaana isagaa is casila .

Dariiq bilaa taraafiyi wuxuu keeni karaa , dareewal qarda-jeex oo banaanka dadka ku jiidha intuu wadada iskaga yimaado , wadan bilaa aan lahayn mucaaridna wuxuu keena , Xukuumad aan xakame iyo dabartoona lahayn oo xaquuqda dadkeeda ku tumata .

Sidaa darteed , Mucaaridadu waa ilaaliyaha Danta guud iyo Dawlada , Mucaardnimaduna ma sahlana .

ugu dambayn aan kusoo xidho qormadaydan kooban , heestan soomaaliyeed ,

Wadaanta xadhigaa walwaalaayee ,

Hadaanu wadin weel ma noqoteen .




Leave a comment

  Tip

  Tip

  Tip

  Tip

  Tip